2010 Populasaun TL Atinzi 1.066.409

TIMOROMAN, DILI - Relasiona ho restaurasaun independensia Timor Leste ba 11 nee iha biban ida nee timoroman.com hakarak lori leitores sira ba hatene kona ba oinsa kresimentu populasaun timor leste hahu husi tempu okupasun Indonesia no oinsa desemvolvimentu ekonomia iha rai laran hafoin restaura ninia indpendensia, liu husi dadalia badak nebe halo ho Diretor Statistika Ministeriu Finansas Antonio Freitas, iha edifisiu Estatistika Caicoli Dili Kuarta Feira (15/05/2013).

Atu hatene too ona iha nebe ita oras nee ita konhese uluk total populasuaun nebe uluk Governu Indonesia halo iha tinan 1980 no 1990 nian. Iha tinan 1980 rejultadu sensus nebe Indonesia halo, ita iha 555.350 total populasaun.

Depois, iha fali sensus tinan 1990, total populasaun 747.557 nee iha tempu Indonesia no sei konta hamutuk hela ho populasaun husi Indonesia.

Agora iha tempu ukun rasik aan iha sensus 2004, ita iha 923.198 total populasaun. Depois mai fali iha 2010 ita nia total populasaun amenta ba 1066.409, signifika iha durasaun tempu tinan 6 nia laran nee populasaun 143,211 maka amenta tan, dehan Freitas ba timoroman.com iha nia knar fatin.

Entretantu husi total hirak nee populasaun nebe maka moris iha linha kiak nia okos maka 41% iha tinan 2009 no entantu metas iha 2015 atu hatun ba 14%.

Iha parte ekonomia ita nia rendimentu per kapita iha tinan 2004 iha 547 dolar, iha 2011 sae ba 850 dolar.Durante tina 7 GDP perkapita aumenta 304 dolar ho media (average) 43 Dolar, maibe targetu nebe iha tinan 19 mai GDP perkapita minimu tenki aumenta 3.150 dolar ho media (average) 166 dolar kada tinan, maibe ida nee hanesan evaluasaun ida katak ita sei too ida nee ka lae no ita sei presija halo saida, hatutan Freitas.

Husi  Parte seluk kona ba ekonomia liu-liu kotribuisaun setorais. Tuir statistika nebe iha, setor nebe maka boot liu iha timor oras nee maka Agrikultura, Floresta no mos peska (21,4%), tuir Administrasaun publiku (20.3%), lojas, kios (15,9%) konstrusaun (7,3%), informasaun no komunikasaun (5,1%), transporte (4,3%), akomodasaun no restauante (3,9%), mao de obra, (3.1%).

Kona ba investimentu diretor nee hateten tuir dadus, oras nee Governu maka sei sai hanesan investor nebe boot liu (74.9%) liu husi OJE entretantu 25.1% setor privadu komesa loa ona, maibe ita iha problema ituan entermos de ita nia investimentu diak maibe, ita nia inflasaun maka aas. Ate Desembru 2012 ita iha 10,9%. Ita nia inflasaun nee la dun moderadu, ita nia inflasaun tenki moderadu nee iha 4% ida nee maka targetu nebe maka ita iha.

Nunee mos informa mos kona ba oinsa timor leste nia partisipasaun iha doing Bisnis. Nia hateten tuir dadus nebe iha agora TL iha klasifikasaun 169 husi total 185 nasaun nebe halo bisnis internasional nee iha 2012 too iha 2013.

Depois mos, uma kain nebe maka iha sanitasaun no desemvolve diak liu, tuir dadus nebe iha Dsitritu rua maka sanitasaun la desemvove diak, nee maka Viqueque 18.6%, no Ainaro 16.6 no tuir Baucau 39.8% maibe ita nia targetu (81%) hatutan Freitas.

Ikus liu nia informa mos kona ba trend fertilidade inan feto sira (15-49). Iha tinan 1997 trend fertility 4,4% iha tinan 2002 7,4% no iha 2003 7,8% no iha tinan 2009-10 trende fertilidade 5,7%. (pol)

www.timoroman.com