Xanana: “Chonoco Philips hakarak naok nafatin ita”

JND – Primeiru Ministru (PM), Kay Rala Xanana Gusmão hateten, Timor-Leste (TL) durante ne’e iha problema bo’ot ho kompanha Chonoco Phlips ne’ebe halo esplorasaun ba mina iha tasi Timor.

Tuir PM Xanana, kompanha sira hakarak kontinua halao imperialismu ekonomiku hodi hanehan no naok bebeik TL nia riku soin. 

Xefi governu ba periodu II ne’e salienta, sira (Chonoco Philips) la selu ona taxa, maibe sira naoktan Timor nia riku, hahalok ida ne’e la bele tolera. 

PM Xanana haktuir, haktuir durante ne’e kompanha Chonoco Philips hateten TL laiha esperensia, tanba ne’e sira hakarak aproveita oportunidade ida ne’e hodi hanehan bebeik TL. 

“Tanba ne’e see ita la hamutuk ho oin ida deit, hau hanoin ema sei hanehan nafatin ita no sei naok nafatin ita nia riku soin,”hateten PM Xanana Tersa (14/5) iha divulgasaun dialogu Desentralizasaun programa camara munisipiu ba povu iha Distritu Viqueque. 

Lider Resistensia ne’e hatutan katak, tanba intereses ba distinu nasaun no povu ida ne’e nian, PM Xanana la konkorda. Tanba situasaun TL iha 2002 la hanesan agora ona. 

“Hau hakerek karta ida ba PM Australia, Julian Guilard katak TL 2002 no TL 2013 la hanesan ona. Ne’ebe ita (Australia-TL) presiza koalia,”konfesa Xanana ba povu Viqueque. 

PM Xanana tristi ba kompanha bobot husi nasaun bo’ot no riku. Pudia sira mai atu apoiu TL maibe kompanha bo’ot sira mai halo fali esplorasaun ba TL nia riku soin.

JND