Lenda Crocodilo
Nota entendimentu nian ida ne’ebé asina durante han kalan nian ne’ebé governu timoroan fó ba empreza Portugál nian sira, ne’ebé maka to’o iha kintafeira iha rai ida ne’e atu hodi haree kona-ba investimentu ne’ebé prioridade, ne’e hanesan inisiativa ida husi Banco Espírito Santo no no Timór-Leste ninia embaixada iha Lisboa.
“Ne’e hanesan pasu ida ne’ebé importante ne’ebé presiza atu haree, atu hetan susesu, boot timoroan sira ne’ebé maka responsabiliza iha setór ida ne’e, liu-liu ministru Komérsiu nian (António da Conceição) no Kámara ba Komérsiu no Indústria Portugál-Timór-Leste.
Tuir José Miguel Medeiros, sei harii kámara agora iha ho formál ba elegasaun iha Lisboa no iha Dili” ne’ebé sei hanesan “fatin natural” ba emprezáriu timoroan portugés sira ne’ebé maka hakarak atu halo negósiu iha rai rua n e’e.
Ba prezidente Kámara ba Komérsiu no Indústria Timór-Leste nian, Júlio Alfaro, emprezáriu portugés nia prezensa iha Timór-Leste ne’e importante tebes no iha planu ba dezenvolvimentu rai ida ne’e nian. Liu-liu iha parte infraestrutura.
“Iha emprezáriu barak maka hakarak mai Timór-Leste maibé portugés sira nia prezensa ne’e especial liu ba ita nia relasaun iha parte kultura no fraternidade”, tenik Júlio Alfaro. Iha han kalan nian ne’e, misaun emprezáriu Indonézia nian mos holaparte, hetan emprezáriu 120 maka to’o iha Dili atu hodi analiza kona-ba investimentu nia importante.
Timór-Leste ho ninia abitante uitoan, liu hosi miliaun ida, sa’e tan pursentu 10 iha tinan ikus ne’e no hein hela ninia adezaun ba Asosiasaun iha Nasaun sira husi Sudeste Aziátiku (ASEAN), merkadu ida ne’ebé ho ema na’in 600.
Durante nia sei iha Dili, misaun portugeza, ne’ebé maka ohin fila fali ba Lisboa, holaparte mos iha konferénsia ida kona-ba “Merkadu no Oportunidade iha Timór-Leste”, ne’ebé maka hetan mos ho na’i-ulun timoroan sira seluk nia intervensaun.
Lusa
25 de Maio de 2013
http://noticias.sapo.tl
No comments:
Post a Comment