Kongresu Rejional Feto Timor Leste 2013 iha Distritu Oecusse

Kongresu Rejional Feto Timor Leste ba dahat, ohin (27/8) hahu iha distritu Oecusse ne’ebe tuir plano sei halao durante loron 2 (27-28 Maio 2013). 

Kongresu Rejional ne’e rasik ohin loke abertura husi Sr. Cancio Koa nudar Representante Groupu Trabalhu Jeneru distritu Oecusse ho lia fuan murak ida katak ita hotu tenke fo idea saida maka ita hotu seidauk halo atu it abele lori ba oin, atu ita nia dezenvolvimentu nasional bele lao ho diak. 

Kongresu regional iha distritu Oecusse nudar parte importante ida atu bele akumula problema no rekomendasaun ne’ebe feto maluk sira iha distritu Oecusse infrenta no lori informasaun sira ne’e atu bele diskuti iha Kongresu Nasional Feto Timor Leste. 

Kongresu Rejional ohin loron halao iha Salaun Parokia Igreja Numbei, Suku Costa, Sub distritu Pante Makasar, Oecusse no partisipa husi delegadas husi sub distritu 4 hanesan Passabe, Pante Makassar, Nitibe no Oesillo. 

Partisipa mos representante governo local, PNTL, NGO nasional no Internasional, instituisaun relijiosu, media, no seluk seluk tan.

Rede Feto Timor Leste