Konstrusaun Ponte Komoro-2, Sei Entrega Ba Governu Iha loron Independénsia

Ministru Obras Públiku (MOP), Gastão de Sousa promete, konstrusaun ponte Komoro-2 sei entrega ba Governu iha loron 20 Maio 2013, no kontinua fali kontrusaun ponte Komoro -1 hodi harii foun tuir dezeñu ne’ebé iha ona.  

Tuir Gastão atu inaugura ponte refere, MOP sei halo kordenasaun ho Gabinete Premeiru Ministru, tanba obra ida ke bo’ot iha ami ninia primeiru mandatu. Ita bele dehan ne’e hanesan susesu bo’ot ba ita. 

Hein katak, kompañia Bewemen Wika halo di’ak tuir prosedimentu ne’ebé los. 

Iha parte seluk tuir reprezentante povo iha Uma Fukun Parlamentu Nasional Presidente komisaun F, Pedro da Costa hateten, kontrusaun ponte komoro-2 ne’ebé gasta osan ho montante bo’ot ne’e ho medelu di’ak tebes, tanba kompañia ne’ebé ka’er projetu ema internasionál no fi’ar katak sei entrega ba governu tuir tarjetu ne’ebé iha. 

Iha fatin hanesan tuir deputadu Inácio Moreira husi bankada Fretilin hatutan, kontrusaun ponte komoro-2 kapás, fi’ar katak nia kualidade di’ak, tanba kompañia ne’ebé ka’er ema intelektuál hotu. 

Kontruksaun ponte ne’e rasik oras ne’e hotu ona tuir kontratu ne’ebé iha, tan ne’e bele dehan sira kumpri duni kontratu ne’ebé iha. 

14 de Maio de 2013

Sapo TL/STL