Timor-Leste participa em reunião sobre EITI na Papua-Nova Guiné

Sex. 10 de Maio de 2013, 16:53h

Ministru Petróleu no Rekursu Minerais, Alfredo Pires partisipa iha Sorumutu Nasionál Extractive Industries Transparency Initiative - EITI, ne’e hala’o iha loron 22 to’o 24 fulan Abril 2013, iha Alotau, Milne Bay, Papua Nova Giné.

Iha sorumutu ne’e Ministru Petróleu no Rekursu Minerais Timor-Leste sai hanesan oradór hodi hato’o nia diskursu kona-ba Polítika no programa Timor-Leste nian kona-ba oinsá atu jeré rekursu naturál sira ho transparénsia.

Tuir Ministru Alfredo Pires katak, Papua Nova Giné apresia tebes ho dezenvolvimentu Timor-Leste nian no sira husu ba governu Timor-Leste atu kontinua fahe esperiénsia kona-ba transparénsia ne’e to’o iha sira nia sub-provinsia.

Reprezentante Sosiedade Sivíl hosi Timor-Leste, Mericio Acara mós partisipa iha sorumutu ne’e hodi fahe nia esperiénsia kona-ba partisipasaun no involvimentu Sosiedade Sivíl ba programa EITI iha Timor-Leste.

Sorumutu ida ne’e hetan mós partisipasaun hosi Sosiedade Sivíl, Autoridade Petróleu no Rekursu Minerál hosi Papua nian, British High Commission, USAID, World Bank, no ONG sira.

http://timor-leste.gov.tl