Anito Matos: MT Kria Fali Komisaun Foun ba Miss Timor

Polemika eventu Miss Timor entre pro no kontra ikus-ikus ne’e, obriga Ministeriu Turizmu (MT) kria fali komisaun organizadora foun. 

Asesor Ministeriu Turizmu Anito Matos hateten, pro no kontra ne’ebe mosu sei tur hamutuk hodi diskuti, depois haree fali tempu para halo fali komisaun organizadora foun. 

Ko’alia ba Timor Post, Kuarta (8/5) iha edifisiu Ministeriu Turizmu, Anito Matos hatutan, preparasaun ne’ebe mak durante ne’e halo, prepara loos hotu ona, kobre ona iha nivel Distritu. Maibe, mosu fali polimika entaun komisaun Organizadora paradu total durante semana rua nia laran, tuir loloos atu hala’o kinta (9/5). 

Kona ba dadus Miss Timor ne’ebe mak durante ne’e rejista iha komisaun, nia dehan seidauk bele fo sai tanba seidauk rekolla hotu husi Distritu 13, dadus refere oras ne’e iha hela Vise Koordenador ba Miss Timor, ne’ebe oras ne’e sei iha hela Bali-Indonesia.

Fonte Jornal Timor Post
10 Maiu 2013