Cavaco Silva Felisita Omólogu Timor-Leste Ba Loron Nasionál

Prezidente Repúblika felisita horisehik ninia omólogu Timor-Leste ba okaziaun komemorasaun Loron Nasionál nasaun nian, afirma fali ninia “empeñu maka’as iha reforsu kontinuadu” ba koperasaun ne’ebé halibur nasaun rua ne’e.

“Ohin (horisehik), ha’u hakarak repete ba ita-nia eselénsia ha’u ninia empeñu maka’as iha reforsu kontinuadu ba relasaun maka’as amizade no koperasaun nian ne’ebé halibur ita ninia nasaun, iha konviksaun maka’as hodi nune’e ita kontinua nafatin insisti iha vontade ita ninia povu no la’o iha dalan di’ak iha afirmasaun ba ita ninia interese no objetivu, iha planu bilaterál no iha kuadru multilateral”, bele le iha mensajen ne’ebé haruka hosi xefe Estadu portugés nian ba Prezidente Timor-Leste nian, Taur Matan Ruak.

Iha karta ne’ebé fó sai iha site Prezidénsia Repúblika, Cavaco Silva hanoin “ho kariñu partikulár” akollimentu ne’ebé nia simu iha tinan ida liubá iha Timor-Leste no subliña determinasaun hanesan Portugal no Timor-Leste iha “defeza no promosaun patrimóniu nian” ne’ebé fahe hamutuk iha CPLP. “Ba okaziaun husi komemorasaun Loron Nasionál Timor-Leste nian no ho satisfasaun ida partikulár tebes maka ha’u haruka ba Ita-Boot, ho Povu Portugés ninia naran no ha’u ninia naran rasik, felisitasaun sira kalorozu nune’e mós votu sira progresu no prosperidade ba povu irmaun Timor-Leste”, Cavaco Silva hatutan.

Timor-Leste komemora horisehik aniversáriu ba dala 11 restaurasaun independénsia, proklama iha loron 20 fulan-Maiu tinan 2002.

SAPO TL ho Lusa (www.sapo.tl ho www.lusa.pt)

Cavaco Silva felicita homólogo de Timor-Leste pelo Dia Nacional

O Presidente da República felicitou hoje o seu homólogo de Timor-Leste por ocasião das comemorações do Dia Nacional do país, reafirmando o seu "profundo empenho no reforço continuado" da cooperação que une os dois países.

"Hoje, quero reiterar a vossa excelência o meu profundo empenho no reforço continuado das fortes relações de amizade e de cooperação que unem os nossos países, na firme convicção de que, assim, continuaremos a prosseguir a vontade dos nossos povos e a trilhar o melhor caminho para a afirmação dos nossos interesses e objetivos, no plano bilateral ou no quadro multilateral", lê-se na mensagem enviada pelo chefe de Estado português ao Presidente de Timor-Leste, Taur Matan Ruak.

Na missiva, divulgada no 'site' da Presidência da República, Cavaco Silva recorda "com particular carinho" a hospitalidade com que foi recebido há um ano em Timor-Leste e sublinha a determinação comum de Portugal e de Timor-Leste na "defesa e promoção do património" que partilham no seio da CPLP.

"Por ocasião das comemorações do Dia Nacional de Timor-Leste, é com uma satisfação muito particular que endereço a vossa excelência, em nome do Povo Português e no meu próprio, as mais calorosas felicitações, bem como votos de progresso e prosperidade para o povo irmão de Timor-Leste", acrescenta Cavaco Silva.

Timor-Leste assinalou hoje o 11.ª aniversário da restauração da independência, proclamada a 20 de maio de 2002.

Diario de Noticias (www.dnoticias.pt)