Mari: Desentralizsaun labele depende ba lideransa

Radio, online -  Sekertariu Jeral, Partido FRETILIN, Mari Alkatiri sai hanesan orador ba konferensia Internasional sobre desentralizasaun e poder loka tama ba loron rua (29/5) iha Centru Convensaun Dili, Kaikoli dehan, sistema desentralizasuan atu lao diak labele depende deit ba lideransa.

“Hau apoiu PM Xanana lao dadaun ba sosializasaun munispiu. See ema seluk ba sosializa ema la fiar, nebe mai hau diak liu desentralizasaun ba munisipiu labele depende ba lideransa. Ema hotu-hotu tenki partisipa maximu,” Dehan Mari Alkatiri iha nia palestra. 

Mari hautan, “Hau mai laos kontra, maibe atu kontribui. Kuitadu, PM Xanana nia lao sai kotuk mos kolen los, tanba Input la koresponde ho PM Xanana nia output, esforsu ne’ebe PM Xanana halo dadaun ne’e,” Mari esklarese.

Eis PM I governu kontitusional ne’e sujere katak, diak liu munisipiu hari tuir rejiaun ne’ebe mak uluk I governu hari ona, atu  nune’e labele fo iimpkatu ba rekursu umanus. Distritu ida hari munisipiu ida, nee komplikadu nee tebes. Munisipiu ba distritu hotu nee ambisiozus. 

“Ita komesa koalia desentralizasaun. Ema hotu ididak ba nia distritu. Dili hela mamuk. Saida mak administrasaun sentral,”Mari kestiona. 

Tuir Mari, osan laos mak rezolve ba problema nasuan nian, maibe kapasidade da lideransa no rekursu umanus. Osan sei halo konfuzaun tan. No la rezolve problema. 

Iha okaziaun ne’e mos Mari dehan tama ba sistema desentralizasaun iha nia vantazen diak mak, lideransa lokal hetan poder, mais iha nia desvantazen kuandu la prepara rekursu umanus. Tuir Mari Prezidenti Camara Munispiu sei rai osan ne’e hotu iha kama okos. 

Sekjen FRETILJN ne’e mos dehan, razaun hari zona ekonomia espesial ba iha Oecusse tanba, hare ba kestaun politika, TL hahu nia politika husi Oecusse no segundu, Distritu Oecusse rai estadu nian mak barak liu kompara ho rai privadu. Ho rai estadu nian barak liu iha. Kondisoens favoravel liu.

29 May 2013

www.radioliberdadedili.com