Polisia Tenke Taka Arte Marsiais

Dili - Sekretariu Estadu Joventude no Desportu (SEJD) Miguel Manetelo husu ba Polisia tenki halo atuasaun no taka organizasaun arti marsiais sira ne'ebe mak halo konflitu iha komunidade nia leet.

SE Manateleu afirma oras nee iha artimarsiais sira ne'ebe mak halo treinu iha subar subar hodi provoka malu iha komunidade nia leet no halo ema lahakmatek,.

“Hau husu ba polísia halo atuasaun hodi taka organizasaun no selu multa tuir lei ne’ebe governu sira aprova ho orasamentu dua belas ribuh,” deklara SE Manetelu ba jornalista sira depois de partisipa asembleia nasional joventude iha salaun São Paulo II Komoro, Sesta (24/05).

Nia hateten durante suspensaun asaun saida deit mak sira halo ne’e krime, entaun polísia sira kaptura ne’e aplika ona lei artimarsiais, lei artimarsiais ne’e lei ne’e sasan indisiplinar mais kuandu asaun kriminal ne’e iha kódiku sivil atu resolve asaun sira ne’e, I instituisaun ida ne’ebe mak iha knar atu tau matan ba ida ne’e polísia.

Nia informa katak komisaun reguladora ne’e konsedera tekniku nain rua para hametin koordenasaun entre komisaun ka sekretaria estadu joventude desportu no ita nia siguransa PNTL, tanba ne’e nia fiar katak hanesan nia hateten artimarsiais iha suspensaun hela liliu silat sira ne’e, saida mak sira halo liliu asaun kriminal sira tenki responsabiliza.

Agora durante ne’e suspensaun ba silat hothotu, mais agora KRAM hare hela buka hela atu temi organizasaun no to’o ikus laos silat hotu organizasaun ida rua deit ka tolu mak sempre halo problema silat sira seluk la halo problema tanba ne’e la justu kuandu ita temi hotu silat ne’e mak KRAM iha tempu badak sei fosai organizasaun ne’ebe mak merese suspensaun.

Tuir lei artimarsiais prosesu ne’e mak hahu ho suspensaun uluk ba aktividades tanba ne’e iha públiku ita lahare, sira halo treinu nakloke ba públiku, sira naok halo iha kalan iha ne’ebe dala ruma sira halo tanba ita nia institusaun polisia sira lahatene tuir kuandu hatene tuir ba kaer sira kuandu sira halo.(fer)

Diariu Timor Post

27 Mei 2013