Lenda Crocodilo
Siklista António Martins no Francelina Cabral, husi Federasaun Nasionál Siklizmu husi Timor-Leste, sira manan medalha de ouro iha Bali Moutain Bike Festival domingu foin lalais ne’e no ohin sira to’o iha aeroportu internasionál Díli ne’ebé simu sira ho basa liman.
"Ha’u dedika medalla de ouro ba Timor-Leste", afirma ba ajénsia Lusa António Martins, hafoin tun husi aviaun iha aeroportu Nicolau Lobato.
Francelina Cabral, hanesan feto únika husi Timór hodi partisipa iha eventu ne’e, nia dehan katak ne’e hanesan"orgullu bot ida" lori medalla de ouro ba Timor-Leste no agradese ba apoiu tomak ne’ebé nia simu.
"Ida ne’e hanesan dahuluk ne’ebé Timór konsege hetan medalha de ouro ida iha eventu internasionál no hanesan susesu bot ida ne’ebé ami ba iha kompetisaun ne’e no ami konsege hetan primeiru lugar nian rua ho sislista Timor nian", dehan Nelson Silva, ema portugés ne’ebé fó treinu ba selesaun nasionál siklizmu Timor-Leste.
Tuir Nelson Silva katak, vitória ne’ebé hetan mak husi rezultadu serbisu ne’ebé hala’o iha durante "iha tinan rua ikus ne’e" husi federasaun siklizmu.
"Iha baze ida ne’ebé sustentável, atleta sira ho kapasidade ne’ebé aas, iha estrutura ne’ebé hetan suporta maka’as. Ha’u hein katak ho rezultadu ne’e, federasaun sei hetan liu tan patrosíniu no apoiu", nia afirma.
Kompetisaun ne’e"susar tebes", tuir Nelson Silva katak, konsisti atu perkore kilómetru 80 fó volta husi vulkaun Bali nian ho sa’e maka’as no tékniku tebtebes.
António Martins hala’o perkursu iha tuku 03:51 no Francelina Cabral iha tuku 04:50.
Sira partisipa iha prova ne’e mak liu siklista 50, entre indonéziu no malázia.
SAPO TL ho Lusa
11 de Junho de 2013
No comments:
Post a Comment