Press Conference: RENETIL Klarifika Xanana Nia Deklarasaun "Sosa Alkatiri" Ho Osan Estadu

Press Conference

Foto: Renetil Facebook

Assuntu nebe ami sei haklaken ba media iha biban ida ne'e mak halo klarifikasaun ba intervensaun ne'ebe hahu iha okaziaun Konferensia Ekstra-ordinaria Partido CNRT nian iha Centro de Convencoes de Dili, loron 2-3 Agostu 2014, nebe hetan transmisaun direita husi TVTL, katak RENETIL halo reuni iha loron Presidente Autoridade ZEEMS simu pose, nebe konklui "Xanana sosa ona Mari ho Osan Governo nian liu husi Projektu ZEEMS".

Ami klarifika lolos katak:

1. Laiha enkontru hanesan Presidente CNRT refere;
2. Laiha deklrasaun ruma nebe hasai husi organizasaun RENETIL;
3. Opiniaun husi membru ida ka rua sei la reflete opiniaun RENETIL nudar organizaaun;
4. Ba entidade nebe hakarak informasaun ba orgaun estado sira, tenki hato'o informasaun lolos.

Ami hein katak maluk media sira esklaresidu no bele fo informasaun lolos kona ba RENETIL.

Obrigadu barak.

Dili, 6 Agostu 2014

Demetrio do Amaral de Carvalho (Saka'onar)
Sekjen RENETIL