Lenda Crocodilo

Istoria Timor-Leste
Ukun Rasik An!
Kaer Rasik Kuda-Talin

Rezistensia

Ukun Rasik An
Ai Manas Batar Nurak Kafe Morin Kulu Tasak Nu Nurak
blogger tricksblogger templates

Monday 1 September 2014

UNODC ho KAK Assina MoU Prevee Korrupsaun

Husi: Aquino Campos

DILI: United Nations Office on Drugs and Crime (UNODC) ka Tribunál ba Droga no krime Korrupsaun assina Nota Intendimentu (MoU) iha area tolu atu kombate no prevene korrupsaun iha Timor-Leste.

Komisariu Komisaun Anti Korrupsaun (KAK) Aderito Tilman hatete, durasaun kooperasaun liu husi assina nota intendumentu ho United Nations Office on Drugs and Crime (UNODC) ne’e durante tinan tolu, hahú husi tinan 2014 too 2017.

Nia dehan, kooperasaun ne’e finansia husi Governu Norwegia ho orsanmentu montante hamutuk millaun $1,270 dollar Amerika.

“Area tolu ida maka dezenvolvimentu estrategia kombate korrupsaun, akompaña planu asaun no kapasitasaun ba funsionariu tantu iha area prevensaun, area edukasaun peskiza no iha area investigasaun kriminal,”hateten Komisariu KAK ba Jornalista sira liu husi konferensia Imprensa, iha KAK, horsehik.

Nia hatutan, liu husi kooperasaun ne’e sei fó mós kapasitasaun ba funsionariu Komisaun Anti Korrupsaun liu husi formasaun, seminariu ka konferensia atu hasa’e kapasidade no kapasita institusional iha tekniku, etika, no mekanismu disiplina.



“Ami mós iha tempu badak esforsu para hetan aprovasaun ba lei organika KAK nian atu nune’e iha area ida-idak hala’o ninia servisu tuir lei organika. Nune’e funsionariu balun ne’ebé mak hala’o nia servisu lalos tenke hetan sansaun disiplinar, tanba ne’e mós fasparte ida husi institusionál,”hateten Komisariu KAK Aderito Tilman.

Tan ne’e, Timor-Leste presiza esforsu makás parseria ho UNODC liu husi Governu Norwegia no parseria nafatin ho media sira, hodi kombate korrupsaun iha Timor-Leste.

“Ita boot sira hanesan matan tilun, ain no liman ba Komisaun Anti Korrupsaun (KAK), tanba KAK, Ministériu Públiku no Tribunál la’o mesak ita sei labele atinji buat ida maibé ita esforsu hamutuk mak ita bele prevene no kombate korrupsaun iha ita nia rain,”nia informa.

Iha fatin hanesan, Country Manager United Nations Office on Drugs an Crime (UNODC), Troels Vester hatete, assina nota intendimentu ne’e atu servisu hamutuk ho Komisaun Anti Korrupsaun komesa iha loron ohin (horsehik).

Nia dehan, nasaun Timor-Leste hanesan nasaun independente ida, tanba ne’e presiza servisu makás atu hala’o dezenvolvimentu, maibé atu hadi’ak liu tan tenke kumpri lei no ordem, maski nune’e tinan rua ba kotuk Governu Timor-Leste ho Komisaun Anti Korrupsaun (KAK), halo ona servisu makás.

Tuir nia katak, ho kooperasaun ne’e atu halo balansu servisu ba investigasaun korrupsaun. Tan ne’e, presiza kria estratejia nasional atu fó assistensia ba Governu hodi kombate korrupsaun ne’ebé mak importante iha Timor-Leste.

“Servisu ne’e sei komesa aban ona, maibé hatene katak iha loron 9 Dezembru loron Internasional Korrupsaun ita sei lansa iha ne’eba,”dehan nia.

“Ami hein katak sei aprezenta ba KAK no Governu kona ba estratejia nasionál kombate korrupsuan nian, ne’ebé mak sei aprezenta husi nasaun ba Governu Timor-Leste oinsa atu kombate korrupsaun,”nia informa. Aliende ne’e, nia dehan, UNODC sei fó kapasitasaun ba instituisaun KAK kona ba detensaun no prenvensaun iha area kombate korrupsaun. Sei fó mós formasaun kona ba labele involve iha kazu korrupsaun ninian. “Ami nia formador sira la mai husi nasaun ida deit, maibe mai husi nasaun barak,” nia hatete.

https://www.facebook.com/pages/Jornal-Independente

No comments:

Post a Comment