"Servidor Estadu Balun Ejiji Direitu,Liu Fali Sira Nebe fo An Mate Iha Funu"

TIMOROMAN, DILI - Eis Guirelheiru Komandante Forsa Armada Libertasaun Nasional Timor Leste, (FALINTIL), Primeiru Ministru IV-V Governu Konstitusional, Kay Rala Xanana Gusmao, hateten, servidores balun simu ona fasilidades oi-oin hodi halo servisu, ho menus responsabilidade maibe ejiji sira nia direitu barak liu do que sira nebe foo ann tiha ona ba mate iha funu laran.

Lider karismatiku nee husu atu ema hotu tenke reve mas pratikas sira nebe liu ona, hodi lori povu nee sai husi kiak no mukit laran.

“Ema rihun Atus Rua Resin mate sira la husu buat ida, tanba sira sakrifika sira nia aan ba rai ida nee, ita ohin loron la hatene ona halo sakrifsiu, estadu ajuda fo fasilidade servisu simu kareta, maibe liu fulan rua tolu kareta ba para iha bengkel, se ita la muda ita la reforma ita nia komportamentu, etika, no falta profesionalismu, sese deit maka kaer governu, ita maka halimar nafatin hanesan nee. Nee sei susar tebes, tanba ita iha riku, maibe ita nia jerasaun sei la hetan benefisius husi rikeja nasional. Nee duni husu ita nia komprende ba dveres ba ita hotu nebe iha kbiit atu partisipa iha desemvolvimentu nee,” dehan Kay Rala Xanana,iha Sentru Konvensaun Dili Sabadu (25/05/2013).

Tempu foun no loron foun atu dezemvolve, nebe ejijia ita hotu ita nia boas pratikas, jestaun, adminstrasaun, no ejiji mos mekanismu diak husi kontrolu sosial ba monitorijasaun ba fiskalijasaun, no ejji liu-liu ba hanoin atu diskuti aban ninian ka hanoin ba oin, hanoin ba luan ituan kona ba saia deit maka ita bele halo.

Hakribi komportamentus nebe maka ladun diak, tanba ita hotu iha ro ida deit, servisu hamutuk, kada minsteriu rona malu, no labele selok no labele hafuhu malu, tanba ita hotu iha hanoin id deit. Sira nebe maka mate la husu buat ida, ohin loron manan barak ka ituan, kodisaun diak ka lae, ita ejiji liu tiha fali sira.

Ita nia povu husu ajentes foun ba desemvovlvimentu, tanba nee hatudu sakrifisiu, etiku foun ba iha profesionalimu, no mos ita boot sira mos halibur aan kolia ba malu hare vijaun global hodi hare saida deit maka ita nia frakeja, no potensia, hodi husu ba imi nia estadu saida deit maka ami bele, Xanana hatutan tan.

Tuir observasaun partisipantes iha konsultasaun nee mai husi membru deputadu parlamentu nasional, membru do governu, konviksoens relijoiosa, adiministradores subdistritus, xefe do sukus, representaante joventude no partidu politikus husi distritu Dili, no mos representante camara munisipiu husi nasaun sira seluk.(pol)

May 31, 2013  

http://timoroman.com