Lenda Crocodilo
Afinal Fans Barcelona ne’e koiñese ona futebol desde kik, uluk sei ki'ik oan nia joga husi ekipa iha oratorio Salesiano Baucau nian. Pozisaun guarda rede. tama ekipa ADS (Amigos Domingos Savio).
Amu ne’e preokupa tebes ho dezenvolvimentu futebol rai laran tanba ne nia kritika maka’as lalaok dezenvolvimentu no esturutura ne’ebé kompetensia ba area ida ne’e.
“Iha Timor Leste ita hare ema hotu gosta futebol, maibe seidauk iha "tradisaun" metin atu sai atleta. ita seidauk iha filosofia atu estima ita nia isin. treina oras ida nia laran, hemu lanu loron ida nia laran, fuma too nanal metan ne'e susar tebes,”. Preokupasaun ne’e hatoo husi Amo Martinho ba Timor Post via média sosial kinta (06/06).
Amo ne’e hatutan, ninia resultado, ita seidauk bele forma atleta diak nian, segundu, ita nia sistema mos seidauk fornese atu halo torniu gradual no permanente. too ona selebrasaun ka festa ruma mak ema hotu rame rame halo kompetisaun, hotu tiha ba toba tinan tomak.
Nia hatutan, Iha F-FTL maibe la iha programa ba torniu husi distrito 13, la iha esperansa, seidauk iha hanoin atu desenvolve torneo professional. Ninia resultado, ita seidauk bele forma atleta diak nian.
“Ita nia sistema mos seidauk fornece atu halo torneo gradual no permanente. too ona selebrasaun ka festa ruma mak ita rame2 halo kompetisaun, hotu tiha ba toba tinan tomak” tenik Amu Martinho.
Relasiona ho sub 14, Amo dehan hotu tiha ninia kontinuasaun halo nusa?? ne'e mak nia dehan, ema hotu hakfodak deit wainhira iha torneiu sira ne'e.
Amo ne’e kestiona makas hodi hateten, “maibe ema mak halo. ita tuir deit. bainhira mak ita halo atu ema tuir? depois selesaun ne'e mai husi timor tomak ka hili malu iha dili laran deit,”.
Nia sujere, tenke halo torneiu ba Timor Leste tomak. husi ne’eba mak ita halo selesaun ba ita nia jogador sira. ita hare rai seluk ne'e hanesan ne'e. husi selesaunjunior too senior.
Nia hatutan, “keta halo, fini diak sira ne'e wainhira aumenta tinan, sira mós la joga ona. entaun wainhira jogo senior ita hatama ema husi mundu seluk, ba halai taru ho jogador husi Indonézia, tebe ho ai-tur halai mos todan los, ne'e tan la iha tradisaun atu joga”.
Koalia ba mai amo mos ema fanatiku futebol ida, nia fans mak kulubu nebe oras ne neymar ba dadauk ne mak Barcelona, konta ba Timor Post amu ne dehan nia hahu gosta barcelona iha tinan 1992, tanba iha momentu neeba Barcelona mosu iha jornal nudar kampiaun foun, nune'e nia hahu hatene kona ba Barcelona, fans kedas, era Pep Guardiola nian.
Amu Martinho gosta Barcelona uluk nanain husi "aesthetical differentiation", katak, sira joga la'os halai tun sae no tebe bola deit, maibe hatudu imajinasaun no fantásia. “ita hare fisikamente, jogador sira ne'e ninia postura ki'ik, maibé tan sira uza imajinasaun mak joga, nune'e bele hatudu furak no murak, segundu, hau hanoin esportividade. manan ka lakon, sira apresia nafatin adversariu,” komenta Amu ne’e.
Amu ne haktuir, Pepguardiola nia kariera fantástiku tebes. nudar jogador nia manan tasa balun, inklui champion league. nudar treinador nia manan barak liu tan. agora ita hein took oinsa mak nia bele formula ninia fílosofia kona ba jogo iha Muenchen. Hanesan Barcelona ka lae? “Se nia labele manan hanesan iha Barcelona, entaun hau hanoin Barcelona fantastiku nafatin. la'os Pep Guardiola” nia realsa.
Tuir hanoin husi Eis guarda rede ADS ne’e katak, iha filosofia mosu liafuan Homo Ludens, katak ita ema hanesan "jogador" moris ne'e hanesan jogo ida ba ema hotu. ne'e duni ita ema sempre gosta kreativu no rekreativu. husi aspetu fíziku ida ne'e fo diak ba ita nia aparensia (penampilan). husi aspetu psikolojku, bele transforma ita nia fuan no neon tan ne'e mak ema dehan bebeik MENS SANA IN CORPORE SANO ... ita ema nia neon diak iha isin diak nia laran.
Lahaluhan amo ne komenta mos kona ba ejistensia Neymar iha Barcelona, ho hamnasa nia hateten, “Neymar tama tan. tinan oin balun kala fase oin fase matan hotu, keta dehaaan, balun la ut mak hare,” tenik Amu ne’e ho hamnasa.(ato)
Diariu Timor Post
06 Juni 2013
No comments:
Post a Comment