Lenda Crocodilo

Istoria Timor-Leste
Ukun Rasik An!
Kaer Rasik Kuda-Talin

Rezistensia

Ukun Rasik An
Ai Manas Batar Nurak Kafe Morin Kulu Tasak Nu Nurak
blogger tricksblogger templates

Thursday 6 June 2013

Eis Sekjer KSTL Simu Kastigu Tinan 2

DILI - Tribunal Distrital Dili liu husi leitura akordaun aplika pena tinan rua ho balu no suspende  tinan tolu ba arguidu eis Sekretáriu Jeral Konsellu Sindikatu Traballadores Timor-Leste (KSTL) Rigoberto Monterio. Aleinde ne'e, arguido mos selu prejuizu estadu nian ho valor $30.000,00.

Juiz Jose Maria ne'ebe lé sai leitura akordaun hateten, Tribunál nia konviksaun hodi disidi pena abstratu ba arguidu bazeia ba faktus ne’ebé deklara husi sasin no faktus balu ne’ebé Ministériu Públiku aponta iha autus laran.

Tan ne’e, husi deklarasaun arguidu no sasin sira, iha duni provas katak arguidu halo duni proposta ida ba SEFOPE hodi husu apoiu orsamentu ho montante $30.000,00 ba atividade formasaun KSTL nian.

Maibé, hafoin SEFOPE transfere tiha osan ba konta bankaria KSTL, SEFOPE transfere sala osan ho valór hanesan ba segunda  faze ho valór hanesan. Mezmu arguidu hatene osan ne’e transfere sala, kontinua fó orientasaun ba tezoreira hodi rekolla osan ne’ebé tama ilegalmente.



Entretantu, Prokuradora Remigia Fátima liu husi alegasaun husu ba Tribunál atu aplika tinan 4 kadeia ba arguidu no selu indeminizasaun ba osan estadu ne’ebé uza ona ba interese instituisaun no interese privadu balun.

Nia husu mós ba Tribunál atu husu arguidu selu jurus orsamentu estadu. Tanba dezde tinan 2011 to’o agora osan estadu ho valór $30.000 sidauk transfere hatudu prejudikasaun boot ba prosesu dezenvolvimentu governu, li-liu atividade SEFOPE nian.

Entretantu, advogadu António da Silva Sarmento husu ba Tribunál atu absolve nia kliente. Tanba akuzasaun ne’ebé Ministériu Públiku halo hasoru arguidu pessoál. Maibé tuir loloos akuzasaun refere ba KSTL tanba osan ne’e uza ba interese KSTL.

Nune’e mós, osan ne’ebé arguidu uza ba interese privadu ho valór $7.000 ne’e debe husi instituisaun depois re-inbolsa ka selu fali ba instituisaun la’os na’uk de’it.

Alende ne’e, KSTL mós prepara ona orsamentu atu selu fila fali osan ne’ebé SEFOPE transfere sala ba sira nia konta bankaria liu husi prosesu mediasaun.

Maibé SEFOPE momentu ne’ebá lakohi simu ho razaun prosesu ne’e tama ona iha Tribunál. Tan ne’e, nia husu ba juiz koletivu atu tetu didi’ak hafoin bele foti desizaun ne’ebé justu ba arguidu.  

Antes tama alegasaun liu husi julgamentu, Tribunál rona deklarasaun rekoñesementu husi arguidu katak, SEFOPE transfere sala duni osan $30 mill ba KSTL nia konta bankaria.

Maibé altura ne’ebá tanba sira mós atu halo konferénsia internasionál ida maka nia autoriza uza osan ne’e lai no bainhira osan KSTL nian ho valór $24 mill doadores sira transfere ona maka re-inbolsa fali.

Entaun, tezoreira ba halo duni levantamentu osan refere hodi uza ba atividade KSTL nian no restu orsamentu nia konsege impresta $7 mill hodi uza ba interese rasik maibé re-inbolsa fali.

Eis Prezidenti KSTL José da Conseção nu’udar sasin hatete, nia hatene KSTL iha duni kooperasaun ho SEFOPE  iha tinan 2011. Maibé kona-ba kuantidade osan hirak maka SEFOPE oferese ba KSTL, nia la hatene tanba laiha koñesementu husi sekjer ho tezoreira.

Tuir regra, prezidenti, Sekjer ho tezorera tenki hatene kuantidade orsamentu. Maibé iha prosesu ne’e nia rasik la hatene. Nune’e, Dezembru 2011 maka nia foin hatene informasaun katak SEFOPE halo transferénsia osan sala ba konta bankaria KSTL ho valór $30.000,00.

Bainhira nia hatene informasaun osan hirak ne’e, sekjer ho tezoreira halo hotu ona levantamentu husi konta bankaria KSTL nian.

Alende ne’e, nia haktuir, antes nia ba estranjeiru nia simu blanku mamuk husi tezoreira hodi asina blaku 4. Tan ne’e osan ne’ebé sira halo levantamentu ne’e halo bainhira nia ba estranjeiru. (myn)

Diariu Timor Post
06 Juni 2013

No comments:

Post a Comment