Lenda Crocodilo

Istoria Timor-Leste
Ukun Rasik An!
Kaer Rasik Kuda-Talin

Rezistensia

Ukun Rasik An
Ai Manas Batar Nurak Kafe Morin Kulu Tasak Nu Nurak
blogger tricksblogger templates

Tuesday 4 June 2013

Lei Anti Korupsaun, Komisaun Diskute Hela

Lei Anti Korupsaun ne’ebe tama ona iha Parlamentu Nasional, agora dadaun komisaun halo diskusaun kona ba lei ne’e maibe seidauk bele ajenda iha tempu badak tanba sei iha leis barak mak atu aprova.

Maske nune’e, Deputadu Inacio Moreira sujere, meja tenke aselera ona diskusaun ba lei ida ne’e nune’e bele ajuda Komisaun Anti Korupsaun (KAK) bainhira halo investigasaun kona ba kazu korupsaun ruma iha rai laran.

“Ohin mos distintus deputadu sira koalia hela kona ba lei anti korupsaun, se bele karik aselera dadauk ona para bele resolve problema korupsaun iha rai laran,” sujere Deputadu Inacio Moreira, foin lalais, iha Parlamentu Nasional.

Entretantu Vise Prezidenti Parlamentu Nasional (VPN), Deputadu Aderito Hugo katak, lei sira ne’ebe la konsege aprova iha II lejislatura no kaduka tiha, meja kontinua fo hanoin ba deputadu sira atu reajenda fali nune’e bele debate iha PN.



“Ida ne’e kompetensia deputadu sira nian, deputadu nainhitu ka 10 hanesan ne’e inisiativa hamutuk foti fila fali no ajenda fali hodi halo diskusaun,” tenik Vise Prezidente PN ne’e.

Enkuantu lei ne’ebe kaduka iha II lejislatura mak hanesan, Lei Rai Nian ( eis Prezidente Doutor Jose Ramos Horta Veta), Lei Anti Korupsaun no Lei Memoria Institusional das Vitimas ninian.

Iha fatin seluk, Diretor Ezekutivu Lalenok Ba Ema Hotu (LABEH), Gil da Silva hateten maske Lei Anti Korupsaun seidauk aprova iha Parlamentu Nasional maibe lei numeru 8/2009 fo poder nafatin ba KAK atu kombate korupsaun iha rai laran.

“Ne’ebe la presiza hein tanba iha lei numeru 8/2009 ne’e klaru tebes atu KAK bele hala’o sira nia servisu,” katak Diretor Gil da Silva.

4.6.2013
www.thediliweekly.com

No comments:

Post a Comment