Lenda Crocodilo

Istoria Timor-Leste
Ukun Rasik An!
Kaer Rasik Kuda-Talin

Rezistensia

Ukun Rasik An
Ai Manas Batar Nurak Kafe Morin Kulu Tasak Nu Nurak
blogger tricksblogger templates

Tuesday 4 June 2013

Timor-Leste fó apoiu besik euro millaun 5,3 ba Saun Tomé no Prínsipe

Governu Timor-Leste aprova ona donativu ida ba Saun Tomé no Prínsipe besik euro millaun 5,3 tulun ida hodi bele hamenus pobreza, hatete hosi komunikadu ida ne’ebé fó sai hosi autoridade timoroan nian ba imprensa.

Governu foti desizaun ne’e iha loron-kuarta iha Konsellu Ministru sira nian ho objetivu bele tulun “lori” Saun Tomé no Prínsipe no ninia populasaun ba “dignidade no moris di’ak no konsidera katak estabilidade polítika hanesan baze importante ba promosaun no konsolidasaun uniaun sosiál nian”, dokumentu ne’e refere.

Tuir komunikadu, Governu Timor-Leste sei fó apoiu regulár ho dolár millaun lima (euro millaun 3,8) ba Orsamentu Jerál Estadu tinan 2013 iha ezekutivu Saun Tomé no Prínsipe nian no finansiamentuu ida dolár millaun rua nian (euro millaun 1,5) ba projetu espesífiku sira Asembleia Nasionál Saun Tomé nian.



“Hanesan Estadu insular ki’ik, Saun Tomé no Prínsipe hasoru insatisfasaun polítiku sira noo dezafiu ekonómiku todan ne’ebé kondisiona la’ós de’it ba sira ninia perspetiva kombate hasoru pobreza maibé mós sira ninia objetivu dezenvolvimentu nasaun nian”, Governu timoroan justifika apoiu ne’e.

Prezidente parlamentu Saun Tomé no Prínsipe nian, Alcino de Barros Pinto, ba Timor-Leste foin lalais ne’e hodi partisipa iha serimónia aniversáriu ba dala 11 restaurasaun independénsia país nian ne’ebé selebra iha loron 20 fulan-Maiu.

Iha enkontru ne’ebé haloo ona hamutuk ho Prezidente timoroan, Taur Matan Ruak, Alcino de Barros Pinto hatete katak Saun Tomé no Prínsipe agora daudaun iha situasaun ekonómiku krítiku no husu ba Timor-Leste hodi apoia sira ninia país.

SAPO TL ho Lusa
04 de Junho de 2013

No comments:

Post a Comment